CHAMPHAI THUTHAR

  Champhai Police te chuan Heroin thahnem tak an man. DATED 28.07.2029 : Champhai Police te chuan an thudawn bawhzuiin ruihhlo phur tur nia rinhlelh lirthei pakhat Hyundai Tucson AS 01S 1125 chu hun engemaw chen an enthla a, he lirthei hi Zokhawtharah awm rengin Champhai Police te chuan vawiin khan Ruantlang daiah lo changin an lo man ta a, Champhai Police Station ah an lirthei chawpa lakchhoh niin thuhretute hmuh laiin an lirthei hi enfiah a ni a, motor hnung kawng khar chhungah Heroin hawng 36, gram 440 a rit, cheng nuaih 13 sing 2 hu nia chhut man a ni a, ruihhlo neitua puh mi pahnih - Lirthei khalhtu Kalpo Joyti Borah Kum 26, Lakhipur, Assam a cheng nia insawi leh a mi phurh Rajan Brahma kum 32, Itanagar, Arunachal Pradesh a cheng nia insawite chu ND&PS Act. tlawhchhanin Champhai Police Stationah thubuai siamsak an ni a, naktukah Court ah hruai an ni ang a, Champhai Police te chuan thu zawh belh tur an neih avangin Court ah heng mi pahnihte hi Thana a kawl rih turin an dil ...

  Excise & Narcotics Department chuan Methamphetamine thahnem tak an man. Excise & Narcotics Department chuan (19.7.2025) zan dar 11:10 khan Champhai District, Zokhawthar khaw panna bul, New Hruaikawn kawng-ah Methamphetamine Kg 10 leh Gram 100, mum 10,1000 leh a neitu nia puh – Lunminlalzo kum 34, G. T. Zo fapa, Churachandpur, Manipur, tuna Champhai Vengthara khawsa mek nia inchhal chu an man a. Methamphetamine phurhna atana a hman lirthei Maruti 800 car MZ04 – 8564 pawh hrensak nghal a ni. Tukin (20.7.2025) zing dar 8:45 khan Champhai, Mualbawk-ah heng Methamphetamine tawlh ruknaa inhnamhnawiha puh – Christy Hmingthanzami kum 19, R. Lalngaizuala, Champhai Vengthar-a khawsa nia inchhal chu man leh a ni. Heng Methamphetamine te hi state pawna hralh tur nia rin a ni. Methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, July ni 20, 2025 Pathianni khan Court-ah hruai niin Lung Inah khung nghal an ni. Ch...

Champhai Police te chuan Heroin cheng nuaih nga hu an man. Champhai Police te chuan Pathianni (20.7.2025) khan an thudawn bawhzuiin Champhai Bethel Presbyterian Kohhran Biak In thlang kawnga TATA 907 ding chu an dap a, Handleman thutna seat hnuai atangin Heroin hawng 15, gram 188 a rit, cheng nuaih nga, sing ruk sang li hu chu an man a ni. Lirthei khalhtu Lalrinkima, kum 31, Bethel Chhura hmun chu Champhai Police te hian an man nghal a, ND&PS Act. tlawhchhanin Champhai Police Stationah thubuai siamsak a ni. Champhai Police te chuan an man tak Heroin neitu ber hi an man tak Lalrinkima u niin a zinbo lai a ni a, Lalrinkima hian a motor ah hian thuhruk sakin hmeichhe pakhatin a lam tur niin an tarlang a, a neitu ber pawh hi man thuai beisei a ni. Lalrinkima hi tih tur tul te tih zawh a nih hnuah Court ah hruai a ni ang a, Lung Inah khung nghal a ni ang.

Champhai Police te chuan kumin chhungin ruihhlo cheng vaibelchhe 27 nuaih 4 sing 1sang 7,400 hu an man. Champhai Police te chuan kumin January thla atanga vawiin (26.6.2025) thleng khan ND&PS Act. tlawhchhanin thubuai 84 an ziaklut a, mi 144 man niin an zinga mi 26 te chu ramdang mi (Myanmar) an ni thung. Kum 2025 chhung hian Heroin Kg 18.570, cheng 5,57,10,000 hu, Methamphetamine Kg 458.698, cheng 59,63,07,400 hu leh Crystal Meth Kg 5.169 cheng 15,50,70,000 hu an man tawh a ni. Kum 2024 chhung khan Champhai Police te chuan ND&PS Act. tlawhchhanin thubuai 172 an ziaklut a, mi 221 manin an zinga mi 39 chu ramdang mi (Myanmar) an ni. Champhai Police te hian kum 2024 chhung khan heroin Kg 47.107, cheng 14,13,21,000 hu, Methamphetamine Kg 206.312, cheng 26,82,05,600 hu, Crystal Meth Kg 34.115, cheng 1,02,46,50,000 hu lehGanja Kg 27, cheng 1,35,000 hu te an man a, kum 2024 chhunga Champhai Police te ruihhlo man zawng zawng hi cheng vaibelchhe 143 nuaih 43 sing 1 sang 1,600 hu a ni. ...

Khawvel puma Ruihhlo hman khawloh leh tawlh ruk dona ni pualin vawiin (26.6.2025) Champhai ah kawng zawh a ni. Kawng zawh hi Vengsang Presbyterian Kohhran Biak In bul ah bul tanin he hmunah hian Superintendent of Police Pu Lokeshwaran R, IPS chuan thusawiin ruihhlo do kawng zawhnaa mi tam tak an kalkhawm thei chu lawmawm a tih thu a sawi a, Myanmar ramri a awm kan nih avangin ruihhlo in min chiah hneh hle a, heng ruihhlo kan rama rawn lutte hi dan leh thupek kengkawhtute mawhphurhna chauh ni lovin mipuite mawhphurhna pawh a nih ve thu a sawi a, ruihhlo do kawngah mipyite tanho tlat kan mamawh thu sawiin vawiina kawng zawh chu a bul tanna niin an haw darh hunah anmahni chhungkua theuhah ruihhlo that lohna leh do a tul zia inzirtir chhunzawm turun kalkhawm te a chah a ni. District Education Officer Pi K. Lalsiamliani pawhin thusawiin ruihhlo ti kan ramah tam tak an awm tih hi sawi uar hle thin mah ila, ruihhlo ti te aiin ruihhlo la ti ve ngai lo kan tam fe zawk tih sawiin ruihhlo la ti v...

International Day Against Drugs Abuse and Illicit Trafficking denchhenin vawiin (26.5.2025) khan Champhai District Drug Disposal Committee chuan ruihhlo cheng vaibelchhe 117 nuaih 34 sang 5 500 hu an halral. He hun hi Champhai District Hospital Complex ah hman niin Pu Dennis Vanlallura, Dy. SP Champhai chuan a kaihruai a, tuna ruihhlo halral tura chhawpchhuahte hi thubuai chin fel loh vanga February thlaa halral hman loh te an nih thu a tarlang. He huna Khuallian District bawrhsap Pu Mohammad Aaquib chuan Champhai ah hei zat ruihhlo man a ni chu ropui a tih thu sawiin, hei hian Mizoram mai ni lo, India ram hmun hrang hrangah ruihhlo dona kawngah nasa taka nghawng a neih thu a sawi a, ruihhlo do kawnga inzirtirna leh inhrilhhriatna neih thin a ni te hian thalaite ah ruihhlo that loh zia leh do a tul zia nasa takin a tuk mek, tih a sawi a, ruihhlo manna kawnga tha thawhtu zawng zawng - Police, Excise, Assam Rifles, Custom Department, SIB, SB leh chanchinbu mite chungah lawmthu a sawi a n...