CHAMPHAI THUTHAR

Champhai Police te chuan kumin chhungin ruihhlo cheng vaibelchhe 27 nuaih 4 sing 1sang 7,400 hu an man. Champhai Police te chuan kumin January thla atanga vawiin (26.6.2025) thleng khan ND&PS Act. tlawhchhanin thubuai 84 an ziaklut a, mi 144 man niin an zinga mi 26 te chu ramdang mi (Myanmar) an ni thung. Kum 2025 chhung hian Heroin Kg 18.570, cheng 5,57,10,000 hu, Methamphetamine Kg 458.698, cheng 59,63,07,400 hu leh Crystal Meth Kg 5.169 cheng 15,50,70,000 hu an man tawh a ni. Kum 2024 chhung khan Champhai Police te chuan ND&PS Act. tlawhchhanin thubuai 172 an ziaklut a, mi 221 manin an zinga mi 39 chu ramdang mi (Myanmar) an ni. Champhai Police te hian kum 2024 chhung khan heroin Kg 47.107, cheng 14,13,21,000 hu, Methamphetamine Kg 206.312, cheng 26,82,05,600 hu, Crystal Meth Kg 34.115, cheng 1,02,46,50,000 hu lehGanja Kg 27, cheng 1,35,000 hu te an man a, kum 2024 chhunga Champhai Police te ruihhlo man zawng zawng hi cheng vaibelchhe 143 nuaih 43 sing 1 sang 1,600 hu a ni. ...

Khawvel puma Ruihhlo hman khawloh leh tawlh ruk dona ni pualin vawiin (26.6.2025) Champhai ah kawng zawh a ni. Kawng zawh hi Vengsang Presbyterian Kohhran Biak In bul ah bul tanin he hmunah hian Superintendent of Police Pu Lokeshwaran R, IPS chuan thusawiin ruihhlo do kawng zawhnaa mi tam tak an kalkhawm thei chu lawmawm a tih thu a sawi a, Myanmar ramri a awm kan nih avangin ruihhlo in min chiah hneh hle a, heng ruihhlo kan rama rawn lutte hi dan leh thupek kengkawhtute mawhphurhna chauh ni lovin mipuite mawhphurhna pawh a nih ve thu a sawi a, ruihhlo do kawngah mipyite tanho tlat kan mamawh thu sawiin vawiina kawng zawh chu a bul tanna niin an haw darh hunah anmahni chhungkua theuhah ruihhlo that lohna leh do a tul zia inzirtir chhunzawm turun kalkhawm te a chah a ni. District Education Officer Pi K. Lalsiamliani pawhin thusawiin ruihhlo ti kan ramah tam tak an awm tih hi sawi uar hle thin mah ila, ruihhlo ti te aiin ruihhlo la ti ve ngai lo kan tam fe zawk tih sawiin ruihhlo la ti v...

International Day Against Drugs Abuse and Illicit Trafficking denchhenin vawiin (26.5.2025) khan Champhai District Drug Disposal Committee chuan ruihhlo cheng vaibelchhe 117 nuaih 34 sang 5 500 hu an halral. He hun hi Champhai District Hospital Complex ah hman niin Pu Dennis Vanlallura, Dy. SP Champhai chuan a kaihruai a, tuna ruihhlo halral tura chhawpchhuahte hi thubuai chin fel loh vanga February thlaa halral hman loh te an nih thu a tarlang. He huna Khuallian District bawrhsap Pu Mohammad Aaquib chuan Champhai ah hei zat ruihhlo man a ni chu ropui a tih thu sawiin, hei hian Mizoram mai ni lo, India ram hmun hrang hrangah ruihhlo dona kawngah nasa taka nghawng a neih thu a sawi a, ruihhlo do kawnga inzirtirna leh inhrilhhriatna neih thin a ni te hian thalaite ah ruihhlo that loh zia leh do a tul zia nasa takin a tuk mek, tih a sawi a, ruihhlo manna kawnga tha thawhtu zawng zawng - Police, Excise, Assam Rifles, Custom Department, SIB, SB leh chanchinbu mite chungah lawmthu a sawi a n...

Khuangleng Pastor Bial KTP chuan vawiin (21.6.2025) khan thisen an pe. Khuangleng Pastor Bial KTP chuan Sesih PHC ah thisen pek runpui vawiin khan an buatsaih a, Champhai District Hospital Blood Bank-a thawkte chuan a hmunah kalchilhin thisen hi an laksak a, mipa 39 leh hmeichhia 6 te'n thisen hi pe in, avaiin thisen unit 45 an pe thei a ni.  Nimin (20.6.2025) khan Khuangleng South Pastor Bial KTP te pawhin Leisenzo ah thisen pek runpui an buatsaih ve bawk a, he hunah hian mipa 46 leh hmeichhia 1 te'n thisen pe in a vaiin thisen unit 47 an pe thei a ni. Khuangleng Pastor bial pahnihte hian ni 2 chhungin thisen unit 92 an pe a ni.

Mizoram Universal Healthcare Scheme Mizoram sawrkarin a kalpui atangin Champhai District ah mi 830 te'n an hmang tangkai tawh. Mizoram sawrkar chuan mipui mimirte harsatna sutkianna atan April ni 1, 2025 atang khan Mizoram Universal Healthcare Scheme (MUH CS), mipui healthcare scheme chu a hmang tan a, Champhai ah pawh District Hospital ah hman tan nghal a ni a, vawiin thleng khan he scheme hi mi 830 te'n an hmang tangkai tawh a ni. Mizoram Universal Healthcare Scheme hnuaiah hian natna khirh zawk leh zai ngaite pawh damdawi in an awm chhung zawngin a thlawnin damdawi an lak bakah thisen test, khawl en man leh mutna khum leh cabin man chawi ngai lovin a thlawn vekin Doctor te'n an enkawl a, dam lo te'n an hlutin an tangkaipui tawh hle a ni. Mizoram Universal Healthcare Scheme ah hian Golden Card nei tawh te tan a hranpaa inziahluh a ngai lova, Golden Card la nei lo chhungkua te erawh chu June ni 30 thleng hian Mizoram Universal Healthcare Scheme ah hian inziahluh theih ...

India ram pumpuia HIV+ vei 0.20% an awm laiin, Mizoramah 2.73% an awm a, Aizawl district chhungah 3.93% an awm mek a ni. Aizawl district-a Kum 7 (2018-2025) chhunga thisen( general) 1,27,429 test atangin HIV+ hri pai mi 9600 hmuhchhuah a ni a. Nu naupai thisen 62,124 test atangin HIV+ hri pai mi 635 hmuchhuah an awm bawk. Kum 7 chhunga HIV+ hri pai hmuhchhuah ten HIV+ an kaina chu: Heterosexual atangin 64.1%, Homosexual/Bisexual atangin 3.2%, Hriau inhmantawm atangin 30.4%, Nu leh Pa atangin 1.5% leh kaina hriat loh( not specified) 0.6% te an ni. Age wise HIV+ kai dan: 1) kum (14) hnuailam---1.57% ( 2023-2024 aiin 2024-2025 ah 0.3% in a pung) 2) kum (15-24) inkar----20.2% (2023-2024 aiin 2024-2025 ah 3.8% in a pung) 3) kum (25-35) inkar-----40.4% 4) kum (35-49) inkar-----29.8% 5) kum (50) chunglam---7.8% (kum 2023-2024 aiin kum 2024-2025-ah 0.6% in a pung) Aizawl district chhungah hian Integrated Counseling and testing Centre(ICTC) 13 awmin, chung ICTC 13-ah chu...

Sawrkar laipuiin tribal te tana hmasawnna beihpui a thlakna tur scheme thar - Dharti Aaba Janjatiya Gram Utkarsh Abhiyan (DAJGUA) in hrilhhriatna hun :Dharti Aaba Abhiyan - Awareness and Benefit Saturation Camps”  chu vawiin khan Khawbung Community Hall-ah neih a ni. Khawbung BDO Pi Lalchhandami Pachuau chuan thu sawiin Department hrang hrang atanga zirtirna petu tur kal khawmte leh mipui hnenah lawmthu sawiin Dharti Aaba Abhiyan - Awareness and Benefit Saturation Camps neih chhan a sawi fiah a. He program hian India ram thingtlang khua 63,843 a cheng tribal mi vawibelchhe 5 dirtrict hrang hrang 549 leh Block 2,911 a chengte tuam chhuak tura hmalakna a ni a. Vantlang hmasawnna hrang hrang rurel, hriselna lam, zirna leh eizawnna atana tribal te ham thatna leh hmasawnna a thupui ber a, hemi atan hian Ministry of Tribal Affairs chuan inzirtirna leh an harsatna sut kian nghal mai theihte chin felna hun atan June ni 15 atanga ni 30 hun hi a hmang tih a tarlang bawk a ni.  He inzirt...

  Champhai Gosen Home dinthar a ni leh dawn. Champhai Gosen Home hun enge maw chen a function tawh loh hnu ah, Board member thar insiam in Ngawlveite tana awm theih tura ruahman thar leh tum ani a, Ningani Zan (19.6.2025) atang admission a tih leh theih tawh dawn a ni. Home enkawltu atan hian Pu C. Lalduhawma chu Home Father a ni ang a, a tir ah Mi 10 tana awm theih tura buatsaih a ni dawn a ni. Admission hi a ti hmasa te duhsak an ni ang.  Hrechiang duh tan - 9004644782 ah zawh fiah theih a ni ang.

May thla chhung khan Champhai District Hospital ah naupiang 85 an awm a, nu nau chunga thi an awm lo. May thla chhung khan Champhai District Hospital OPD ah in entir mi 6175 an awm a, Champhai District Hospital-ah hian Champhai ah mi 1,25,745 awm mekin chuta tanga chawhrual chuan May thla chhung khan za zela mi 49.1 te an inentir a, mi 788 te admit an ni. Heng mi 788 admit te atang hian mi 26 chu hmunpui zawka enkawl turin refer an ni a, admit zinga mi 86 te chu raipuar an ni a, thi 16 an awm a ni. May thla chhung khan naupiang 85 awmin thisa a piang an awm lova, thla 1 tlin hmaa thi 2 an awm a, nu nau chunga thi an awm lo thung.

C Champhai District Tobacco Control Cell bultumin Dan kengkawhtu Police Officer te tan Prohibition of Electronic Cigarettes Act (PECA) chungchangah Training buatsaih a ni a, Pu V. Lalduhawma, SDPO Champhai chu khuallian a ni. Pu V. Lalduhawma, SDPO chuan thusawiin, PECA 2019 chu Police te pawhin an hmelhriat tanna a nih thu a sawi a, dan tam tak zinga pawimawh tak pakhat a nih thu sawiin Police lam pawh insangmar a, he dan kengkawh tura theihtawp a inbuatsaih turin a chah a, e-cigarette hi an hriat dan tlanglawnah chuan meizuk thlahna tur tih a nih thu sawiin, bumin an lo awm reng, a ti a, hetianga mihring tana pawi leh hlauhawm tak hmanga mipui bumtute hi Police te chuan an veh tan tawh dawn, a ti a, he dan lekawh na kawngah khawngaihna dan a tel dawn loh thu a sawi bawk. SDPO chuan tute pawh hian India Sawrkar in dan a siam te chu India khua leh tui an nih anga zawm hram hram turin a chah a, a bik lirthei khalh chungchangah tha taka dan zaqm turin lirthei khalh thinte a chah a, dan z...

Champhai District a Samthang Branch YMA chuan an khuaa chhungkaw pakhat thlawhhma hnatlangin an thlawhsak Champhai District a Samthang Branch YMA chuan an khuaa damlohna avanga thlawhhma enkawl tha thei lo, Pu Lalhmunzauvate chhungkua thlawhhma chu hnatlangin an thlawh sak a. Hnatlangah hian YMA member 83 an thawk chhuak thei a ni. Samthang Branch YMA in hlo an thlawh sak, Lalhmunzauva nupui Lalhmangaihsangi chu hun rei tak damdawi in ah enkawl ngaiin a awm a, an thlawhhmaah hna an thawh mumal theih loh avangin Samthang Branch YMA chuan tanpui ngaite puitu a nih hrerengin hlo thawh hi an thawhsak ta a ni. Samthang khua hi in 230 vel niin YMA member 696 an awm mek a, hun dangah pawh mi harsa puih ngaite an lo pui fo tawh thin a ni.

 Champhai Police te chuan lirthei pahnih atangin ruihhlo cheng nuai 36 chuang hu an man. Champhai Police te hian nimin (17.6.2025) khan Khankhawn Police Checkgate-ah Champhai atanga chhuak tur lirthei an endik a. Lirthei pahnih atangin herion hawng 107 an man a. Lirthei pakhat zawk, Lalramngaia, Champhai Dinthar Venga cheng nia inchhal khalh atangin ruihhlo hi hawng 7, gram 98 an hmu chhuak a. Lirthei khalhtu hian a ruihhlo phurh hi Aizawl thlenpui tur leh tualchhunga vawrh darh tur a nih thu a sawi. Lirthei dang, Pahlira, Saihapui, Kolasib district a cheng nia inchhal lirthei atangin Champhai Police te hian herion hawng 100, gram 1124 an man bawk a. Heng lirthei pahnihah hian ruihhlo hi a chhuatah a dah thuhrukna siam ve ve a ni a. Hawng 100 hi Police te chuan vawiin khan chhuizui nghalin Kolasib-ah inhnamhnawiha puh mi pakhat an man tel nghal bawk a ni. Vawiina Champhai Police te ruihhlo man hlutzawng hi international market atanga chhutin cheng nuai 36 sing 6 leh sang 6 hu a ni ...